Monday 25 February 2013

Kok iyo pun nak taksub, jangan sampai mongakkk..


Goli lak raso hati Tuk bilo jumpo daripado anak2 mudo yg taksub mempertahankan PR dalam media sosial nih. Fakta mano la yg dikutip eh ni?

Wahai Puak2 PAS, berfikir la dulu sebolum ekau org sumo cakap bedogar-dogar!!

Sebolum PAS nak cakap bosa nak menggantian UMNO, PAS kono botanding sekurang2 eh 111/222 kusi dokek parlimen. UMNO botanding 117/222 kusi parlimen.

Sebolum PAS berdogar-dogar nak koba laksanokan hudud dan Islam seponuh eh, PAS kono botanding di 150/222 kusi parlimen (2/3 = 148/222)

Kalau PAS sekadar botanding 66/222 kusi parlimen, apo yang buleh pas buek??? Nak masuk an agenda pelaksanaan Islam ke dalam manifesto bersamo PR pun tak kono bonar an dokek PKR ngan DAP. Yang paling kesian eh, bilo DAP tolak montah2 keputusan Majlis Syura PAS, PAS sendiri pun tak mampu nak potahan an eh..adui aii sodih sodih..apo yo laie ekau nak koba an? yang si Anwar/PKR tu plak bukan yo tak nak nolong atau pun sokong PAS, tapi dio pun bukan eh nyokong DAP yo doh, dio gak pelekeh an kepimpinan PAS yang buek dan terimo keputusan majlis syura tuh..ayo boto..

PAS ni umpamo peniago makanan yang tak cukup modal la nk bukak kodai makan. Jadi tepakso la nyewo gerai dokek topi restoran. Gerai eh plak cumo buleh jual satu makanan yo. Maso dio nyewo dokek gerai UMNO/BN maghin, PAS nak mintak jual segalo macam jonih makanan di restoran milik UMNO/BN tu, bilo tak dapek, tu yg meghonyam kluar kodai merajuk bukak lak gerai dokek restoran DAP/PR yang ado jual babi dll. Yg sodih eh, dek dah malu, tepakso la meniago yo walaupun kono boghi meniago mee robuih yo..

Nak nyewo dan samo2 meniago dokek restoran melayu, PAS boghi macam2 syarat, umang ai sombong eh plak ai. tapi bilo dio nyewo dokek restoran DAP (yg ado jual babi tu), PAS leh terimo yo apo segalo syarat2 eh..apo punyo jonih bangso la ni??

Nak bekojosamo ngan UMNO yg torang2 sesamo islam ni macam2 syarat diboghi eh bagai sebagai alasan utk dio nolak, tapi nak bekojosamo ngan kapir DAP, PAS sanggup terimo apo sajo, walaupun PENGHINAAN?? nak patah balik??? tak mungkin la ghaso eh doh, yo dah malu, tadi dah memacam syarat di koba eh, nyombong..patut la ado pomimpin eh kobar an sanggup makan babi mo LGE daripado makan ayam mo Najib. ossahhh gilo eh kau jang..bocakap tak makai kepalo boto..

Ontahlah, dah banyak bona potunjuk Allah SWT boghi an, cumo topulanglah kito nak menilai dan menerimo eh macam mano. Cemano garang/marah eh omak mo abah kito dokek anak2 eh ateh apo juo kosalahan dan posolisihan, walaupun anak dah lari dari umah omak mo abah eh, omak abah kito ni akan totap sayang dan mendoakan keselamatan dan kesojahtoro anak2 eh dan akan totap terimo anak2 eh walaupun anak2 eh ponah lari umah orang.

Camtu yo mo UMNO ni, cemano maghah ngan kosal eh mo tindakan dan pobuatan PAS ni, UMNO totap akan terimo PAS sebagai sedaro seagamo seislam sebangso. Den yakin pilihan den topat dan inilah parti yang tobaik kito ponah ado utk memaju an negaro kito.

1 comment:

  1. This comment has been removed by a blog administrator.

    ReplyDelete

Komen